UEFA ia besoi Shqipërisë mikpritjen e finaleve të Kampionatit Europian 2025 për grupmoshën U-17. Ndeshjet të zhvillohen në “Air Albania Stadium”, në Tiranë, “Elbasan Arena”, në Elbasan, “Loro Boriçi” në Shkodër dhe “Arena Egnatia” në Rrogozhinë.
Veç ndërhyrjes në disa pjesë për rregullimin e infrastrukturës në stadiume, FSHF-ja së bashku me pushtetin lokal do duhet të ndërtojnë edhe tetë qendra stërvitore me bar natyral, që do ndihmojnë skuadrat me stërvitjet para ndeshjeve.
Stadiumet shqiptare do presin ndeshjet e fazës së grupeve, ato gjysmëfinale dhe finalen e madhe që do zhvillohet në "Air Albania".
Lajmi kryesor:
Zyrtare/ Kampionati Europian 2025 për moshat U-17 do zhvillohet në Shqipëri
S.Dh//ReportTv.al