MILANO - Stadiumi “San Siro” nuk do të presë finalen e Champions League 2027 pas një vendimi të marrë nga Komiteti Ekzekutiv i UEFA-s, të martën.
Vendimi u mor në mbledhjen e Komitetit Ekzekutiv të UEFA-s, të mbajtur këtë të martë në Pragë. Njëkohësisht bëhet e ditur, se UEFA ka hapur sërish procesin e kandidimit dhe vendimin përfundimtar do të merret në periudhën maj/qershor 2025. Anulimi i finales në Itali vjen për shkakun se Komuna e Milanos nuk pranoi rinovimin e stadiumit me kushtet e duhura për një ndeshje të tillë.
VENDIMET E MARRA NË MBLEDHJEN E KOMITETIT EKZEKUTIV:
– U aprovua strategjia e re e UEFA-s për futbollin e vajzave 2024-2030.
– U përcaktua fondit i solidaritetit për klubet që nuk marrin pjesë në garat e UEFA-s për periudhën 2024/27
– Finalja e UEFA Champions League 2027 nuk do të zhvillohet në stadiumin San Siro për shkak se komuna e Milanos nuk ka garantuar rinovimin e stadiumit. Komiteti Ekzekutiv i UEFA-s ka hapur sërish procesin e kandidimit dhe vendimin përfundimtar do të merret në periudhën maj/qershor 2025.
– Vendi pritës për Kampionatin Europian të UEFA U-19 Futsal 2025 u caktua Kishinjev, Moldavi.
– Mbledhja e radhës e Komitetit Ekzekutiv të UEFA-s do të zhvillohet në Lozanë, Zvicër më datë 16 dhjetor 2024.
