Barcelonës i është ndaluar t'u shesë bileta tifozëve të saj për ndeshjen e radhës jashtë fushe në Ligën e Kampionëve, pasi mbështetësit e tyre u shpallën fajtorë për sjellje raciste gjatë ndeshjes kundër Monacos në Principatë, tha organi qeverisës i UEFA-s këtë të premte.
“Organi i Kontrollit, Etikës dhe Disiplinës (CEDB) ka vendosur të urdhërojë zbatimin e masës së pezullimit disiplinor të vendosur nga Organi i Apelit i UEFA-s në vendimin e saj për sjelljen raciste të tifozëve, domethënë ndalimin e shitjes së biletave për tifozët e saj jashtë stadiumit të vet nga FC Barcelona për ndeshjen e radhës të kompeticionit të UEFA-s në përputhje me nenin 26(3) të Rregullores Disiplinore të UEFA-s”, thuhet në një deklaratë të UEFA-s.
Barcelona u gjobit me 10.000 euro dhe gjithashtu iu dha një ndalim shtesë për një ndeshje për tifozët e tyre jashtë fushe. Monaco mundi Barcelonën 2-1 në stadiumin 'Luigji II' javën e kaluar. Ndeshja e radhës jashtë fushe e Barçës është në Beograd kundër Crvena zvezda më 6 nëntor.
