TIRANE - Punimet e Ujësjellës Kanalizimeve Tiranë në rrugë kanë dëmtuar një fider duke lënë pa energji elektrike disa kabina në kryeqytet. Operatori i Shpërndarjes së Energjisë Elektrike, njofton se "për shkak të punimeve të Ujësjellësit, është dëmtuar fideri C2 i Nst Traktora.
Për pasojë ka mbetur pa energji rruga “Qemal Stafa”, zona mbi Shkollën e Kuqe si dhe zona tek kryqëzimi i rrugës “Kujtim Laro” me rrugën “Qemal Stafa”.
"Grupi i avarisë së OSHEE është në terren dhe po punon për eliminimin e defektit ndërkohë po bëhen manovrimet për furnizimin e kabinave përmes fiderave të tjerë", - thuhet në një njoftim të OSHEE.
Komento
Komente
