TIRANË- Kjo e diel ka shënuar një ulje të infektimeve me COVID në vendin tonë. Si rezultat i 806 testeve të kryera, kanë rezultuar 216 persona të infektuar, teksa për fat të mirë nuk ka pasur asnjë humbje jete. Tirana vijon të jetë qarku me më shumë infektime, teksa ndiqet më pas nga qytetet si Lushnja, Fieri dhe Durrësi.
Ministria e Shëndetësisë u bën apel qytetarëve që të bëjnë vaksinën, si e vetmja mënyrë për t’u mbrojtur nga infektimi.
“Nisur nga rritja e numrit të qytetarëve të prekur nga Covid19, Ministria e Shëndetësisë i bën sërish thirrje qytetarëve të mos neglizhojnë vaksinimin anticovid, posaçërisht në këtë periudhë të rritjes së kontakteve, për shkak të lëvizjeve përgjatë sezonit veror. Çdo person mbi 12 vjeç, mund të vaksinohet në qendrat shëndetësore në të gjithë vendin. Gjithashtu MSHMS apelon të gjithë qytetarët e vaksinuar, që të drejtohen në qendrat shëndetësore, për t’u vaksinuar me dozën përforcuese. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet”, thuhet në njoftimin e Ministrisë.
Aktualisht në spitalin COVID3 po marrin trajtim 17 pacientë, nga 19 që ishin një ditë më parë.
Statistika (28 Gusht 2022)
Raste të reja ditore 216
Të shëruar në 24 orë 251
Të shtruar në spitale 17
Humbje jete në 24 orë 0
Testime ditore 806
Testime totale 1,959,160
Raste pozitive 327,369
Raste të shëruara 320,251
Raste Aktive 3,537
Humbje jete 3,581
Shpërndarja gjeografike e rasteve aktive sipas qarqeve
Tiranë 1,604
Fier 377
Elbasan 266
Durrës 256
Shkodër 255
Korçë 204
Vlorë 198
Gjirokastër 127
Berat 103
Lezhë 80
Dibër 54
Kukës 13
