KOSOVË- Gjatë 24 orët e fundit në Kosovë është ulur ndjeshëm numri i rasteve të reja me COVID-19, janë shënuar 139 infektime dhe 10 viktima.
Numri i rasteve të reja në raport me ditën e djeshme është shume më i ulët pasi dje janë shënuar 264 persona pozitiv me virusin, ndërkohë numri i vdekjeve nga koronavirusi ka pësuar një ngritje pasi ditën e djeshme janë regjistruar 6 viktima.
Numri i pacientëve të shëruarve është 382, fatmirësisht gati dyfishi nga numri i të infektuarëve gjatë ditës së sotme.
Qytetet në Kosovë që kanë shënuar numrin më të lartë të infektimeve janë Prizreni, Prishtina, Drenasi dhe Gjilani.
Numri total i rasteve me koronavirus ka shkuar 49.306, ndërkohë që numri i viktimave është 1.272, së bashku me përditësimet e ditës së sotme që nga fillimi i pandemisë.
Në Kosovë aktualisht janë në fuqi masat anti-COVID që janë vendosur më datë 11 nëntor, por pritet ditën e nesërme të hynë në fuqi masa të reja shtrënguese.
Komente
