Ambasadorja e SHBA, Yuri Kim ka vizituar sot qytetin e Bajram Currit, ndërsa ka postuar foto e ulur këmbëkryq e duke pirë raki. Në Instagram, Kim ka vlerësuar bukuritë e veriut të Shqipërisë, ku shkruan se malet janë madhështore e njerëzit fisnikë.
Kim siguron se kjo nuk do të jetë vizita e saj e fundit në këtë qytet.
“Është e vërtetë ajo që thonë ata për veriun: malet janë madhështore, por njerëzit janë vërtetë fisnikë. Kam vizituar me studentët Bajram Currin të cilët po marrin pjesë në “English Empowers All Tropojans”, organizuar nga Shoqata Alpin.
Piva raki me Catherine Boehn dhe miqtë e tjerë të cilët po promovojnë turizmin miqësor me mjedisin në vendet malore të Shqipërisë. E mbylla vizitën time me një performancë nga Ansambli Dardania, që kërceu me një pasion të paharrueshëm. Faleminderit qytetarëve të Bajram Currit për pritjen tuaj të ngrohtë në udhëtimin tim të parë, përfundimisht nuk do të jetë i fundit. Shihemi së shpejti”, shkruan ambasadorja.
Komente
Kur e ka vizituar Saliu Tropojen,per te fundit here ??...... Edhe keto jane “mesazhe”.... Lymi Tutit
Përgjigju