Djemtë e Guardiolës fituan 3-0 në derbin e qytetit kundër ‘Djajve të Kuq’.
Manchester City fitoi 3-0 derbin e qytetit kundër Manchester United, sfidë kjo e vlefshme për raundin e katërt në Premier League. United vijon me krizën që e ka kapluar prej disa sezonesh.
Foden zhbllokoi ndeshjen pas 18 minutave lojë, me pjesën e parë që u mbyll 1-0. Në fraksionin e dytë të besuarit e Pep Guardiolës shënuan edhe dy herë të tjera me Haaland në minutat 53 dhe 68-të, për të ‘arkivuar, tri pikë të plota.
Tanimë Man. City me gjashtë pikë ngjitet në pozitën e tetë, duke lënë United në kuotën e katër pikëve në vendin e 14-të. Duket se Ruben Amorim e ka ‘derdhur kupën’ dhe Man. United mund të vendos për shkarkimin e trajnerit.
Komento
Komente
