Edhe pse zyrtarisht sezoni turistik mund të quhet i përfunduar, turistët e huaj vijojnë të kenë interes të lartë për vendin tonë.
Kryeministri Edi Rama ka shpërndarë në rrjetet e tij sociale disa pamje nga Ura e Mesit, një destinacion që sic shkruan ai “po i bën edhe turistët e huaj të dashurohen me thesaret e trashëgimisë së Shkodrës”
Në videon e publikuar nga kreu i qeverisë, shihet një turist Italian i cili shprehet se është dashuruar me vendin.
"Dhe nga Ura e Mesit, një destinacion që po i bën edhe turistët e huaj të dashurohen me thesaret e trashëgimisë së Shkodrës, duke u shndërruar në pikën e preferuar për të ruajtur kujtimet nga Shqipëria, ju uroj të diel të paqtë", shkruan Rama.
Ura e Mesit është ndërtuar nga Mehmet Pashë Bushati, në vitin 1768 dhe është ura më e madhe që ka mbetur nga periudha e Perandorisë Osmane në Shqipëri, e për këtë ka fituar statusin si monument kulturor i kategorisë së parë.
Komente
po se e ke bete ti o rama ,,o hajdut i qelbur,,,as te pakten nje meremetim te kesaj ure nuk ben....
Përgjigju