E rrënuar dhe drejt shembjes, kjo është gjendja e urës në fshatin Çengelaj që lidh Bashkinë e Peqinit me atë të Belshit.
Të frikësuar, banorët shprehen se ura ka pësuar dëmtime të shumta në strukturë dhe kur ka reshje kalimi bëhet më i vështirë për automjet e këmbësorët.
“Kam ardhur që në 83’ dhe në këtë gjendje ka qenë ura. Këtu nuk kemi parë njeri fare”, shprehet një zonjë. “Kam që në 71’, kam qenë 7 vjeç kur kjo digë ka dhënë ulje. Tani me kalimin e peshave të rënda kjo urë po dëmtohet”, shprehet një banor tjetër i fshatit.
Përmes Report Tv ata apelojnë për rikonstruksionin e urës.
“I bëjmë thirrje qeverisë të verë dorë tek kjo rrugë, tek ura se kjo urë i përmbledh zonat krahinore që në Berat, në Belsh”, shprehet banorja. “Të vijnë ta shikojnë, ta verifikojnë, çfarë do kjo digë, çfarë s’do”, thotë një banor tjetër.
E ndërtuar që në periudhën e komunizmit, ura e fshatit Çengelaj nuk ka njohur asnjë investim.
.jpg)
.jpg)
Komente
Edhe Somalia Uganda dhe Kenia nuk i kane urat ne kete gjendje
PërgjigjuPo prit ore popull te shembet se po kerkoni shum nga jeta...
Përgjigju