Transporti urban në kryeqytet është makthi i përditshëm i banorëve. Moszbatimi i orareve dhe problematikat me trafikun shkaktojnë grumbullime të mëdha nëpër urbanë. Gazetarja Enxhi Musaj ka bërë një vëzhgim në rrugët e kryeqytetit ku pavarësisht situatës pandemike autobusët janë vatrat e përhapjes së COVID.
“Në mëngjes janë dhe nxënësit e shkollës nuk ke ku të shkosh.Në mëngjes je shpatull më shpatull e frymë më frymë”- tha një qytetar.
Një tjetër qytetar shprehet: Autobusët janë të tejmbushur dhe apsulotisht nuk respektohet asnjë masë.
“Një pjesë e qytetarëve mbajnë maskë, një tjetër nuk mbajnë”.- u shpreh një tjetër.
Rikthimi i studentëve në universitete ka shtuar numrin e përdoruesve të transportit urban. Qytetarët shprehen se oraret më problematike ku ka tejmbushje në autobusë janë mëngjeset dhe oraret e pasdrekës. Më problematike shfaqet linja e ish-uzinës së Autotraktorëve, me një numër të paktë autobusësh, dyndje qytetarësh pa maska dhe ku Covid gjen më shumë terren infektimi.
“Katër autobusa rrinë atje parkohen, dy autobusa punojnë e rrijnë aty ngjeshen njerëzit me njëri-tjetrin. Është shumë e rezikshme në orën pesë është tmerr.”- tha një qytetar.
“Më problematike është ish- uzina e autotraktorëve. Obobooo ,ajo është fare fare problem”- shprehet një tjetër qytetar.
Po linjat e transportit urban në kryeqytet nuk përmbushin as kushtet teknike të qarkullimit. Dashnor Memaj, kryetari i Shoqatës së Transportit urban thotë se dyndja dhe vonesat e transportit urban vijnë nga mungesa e Infrastrukturës rrugore apo mungesa e korsive të dedikuara për këto mjete.
“Kapaciteti i mjeteve është i mjaftueshëm, vetëm duhet infrastruktura e duhur për korsitë e dedikuara”- u shpreh ai.
Linja të tjera problematike që vështirësojnë lëvizjen e qytetarëve në Tiranë janë edhe linja e Kopshtit Zoologjik, Vilat Gjermane-Depot e Ujit, ndërsa Tirana e Re mëngjeseve dhe pasditeve vonë është kthyer në makthin e qytetarëve të zonës së Astirit.
Komente
Urbanet duhet te zbatojne kontraten me bashkine per te zbatuar orarin vonesa e autobuzeve neper stacione eshte per faj te shofereve dhe fatorinove qe terhiqen per konflik interesi
PërgjigjuKryetari i Bashkise kete te shikoje autobuzet urbane qe jane kthyer ne vatra infeksioni dhe te mos merret me betonieret