Ditën e sotme në mediat kosovare u publikua një lajm ku thuhej se vëllai i kryeministrit të Kosovës, Daut Haradinaj njëherazi deputeti i AAK-së, është arrestuar në Vjenë për shkak të një fletë arresti të lëshuar nga Serbisë. Por këtë lajm e ka përgënjeshtruar vetë Daut Haradinaj. Ai me anë të një fotoje ku shihe 'live' nga Vjena hedh poshtë lajmin e arrestimit të tij. Daut Haradinaj ka deklaruar se në aeroportin e Vjenës ka patur vetëm një konsultë me policinë dhe më pas ka vijuar me agjendën e tij.
“Lajmi nuk është i vërtetë, ishte vetëm një konsultë disa minutëshe me policinë në aeroport. Nuk ka të bëjë as me ndalim dhe as me arrestim.Jam në Vjenë i lirë dhe duke u bazuar në planin tim”, ka thënë Daut Haradinaj.
“Falënderoj policinë dhe shtetin austriak për korrektësinë e vazhdueshme, si në këtë rast, ashtu edhe në mbështetjen e vazhdueshme të cilën ia kanë dhënë Kosovës pa rezervë. Mesazhi im për miqtë dhe dashamirët të shqetësuar, jam i lirë dhe jam shumë mirë. Shumë shpejt takohemi në Kosovë – i falënderoj të gjithë për mbështetjen”, përfundoi ai.
Kujtojmë se ky zhvillim vjen pas disa kohësh që nga arrestimi i kryeministrit të Kosovës, Ramush Haradinaj në Francë por që më pas u la i lirë.
Kohët e fundit mes Serbisë dhe Kosovës negociatat janë thuajse 'zero' dhe situata është tepër e tensionuar. Serbia kërkon heqjen e taksës 100% për mallrat serbe ndërsa Kosova ka deklaruar se nuk do të tërhiqet deri në njohjen e pavarësisë nga Serbia.
Komente
