Brekije, një fshat i thellë malor që njihet për kultivimin e patates e thekres, rreth 25 km nga Kukesi, dikur popullohej nga 300 banorë, sot është braktisur masivish për shkak të mungesës së shërbimeve, insfrastrukturës dhe papunësisë.
Ndër të paktët banorë që takojmë është Rruzhdi Zyberaj, shitësi i vetëm në dyqanin ushqimor të fshatit. Edhe pse emigrantet sjellin para për prindërit e moshuar sërish varfëria është shumë e thellë, tregon ai, duke shtuar se banoret detyrohen të shënojnë emrin në listën e borxheve.
“Banorët nuk kanë të ardhura. Ka ra blerja.Mbi 50% janë nga dy veta në shtëpi, tre nuk i gjen. Krejt pleqë. Mosha e tretë.Gjithë kanë ikur djemtë e rinj”.
Jetesa në fshat është e vështirë, sidomos gjatë dimrit kur bllokohen nga bora. Tani në pranverë merren me bujqësi, kryesisht me kultivimin e patates, ndërsa Ruzhdiu qendron në dyqan për të fituar 1 mijë lek në ditë.
“Fitimin mund të nxjerr 10 mijë lekë të vjetra në ditë. Sa për t’i bërë qejfin vetit. Kam pas bërë deri në 220 kafe sot i bëj 30-40 kafe në ditë. Është shumë problem.Ekonomia është arsyeja e emigrimit..Cfarë do të bëjë djali. Do martohet me ccfarë do e bëjë shtëpinë?!”
Ndërmjet 2011 dhe 2023, popullsia ka pësuar rënie në të gjitha qarqet e vendit me përjashtim të Tiranës. Sipas të dhënave të INSTAT popullsia në Kukës ka rënë me 27, 3 për qind.
Komente
