Mbi 550,000 civilë kanë lënë Qytetin e Gazës duke u drejtuar në jug, njoftojnë Forcat e Mbrojtjes së Izraelit (IDF). Në një komunikatë, IDF bën të ditur se „përkatësisht divizionet e 162-të, 98-të dhe 36-të kanë hyrë në qytet dhe kanë nisur operacionet kundër fortesave të Hamasit brenda Qytetit të Gazës.”
Sipas IDF, „organizatë terroriste Hamas ka tentuar të pengojë civilët të lëvizin drejt jugut, duke shkelur ligjin ndërkombëtar dhe duke përdorur civilët si mburoja njerëzore për aktivitetet e tyre terroriste.”
Gjatë javëve të fundit, IDF, nën drejtimin e Komandës së Jugut, „ka nisur një operacion të gjerë për të paralajmëruar civilët dhe për t’i larguar nga zonat e luftimeve, duke përdorur mjete të ndryshme, përfshirë mesazhe zanore, fletëpalosje, SMS dhe telefonata.”
Komunikata shton se IDF „ka krijuar gjithashtu një zonë humanitare në Khan Yunis dhe po bën përpjekje të gjera për të përmirësuar infrastrukturat humanitare në jug të Gazës, duke zgjeruar spitalet e përkohshme, riparuar dhe lidhur sistemet e ujësjellësit dhe impiantet e desalinimit, si dhe duke siguruar furnizimin e vazhdueshëm të ushqimit, çadrave, barnave dhe pajisjeve mjekësore në zonë.”
Lajmi kryesor:
Mbretëria e Bashkuar, Australia, Kanadaja dhe Portugalia njohin shtetin e Palestinës! Izraeli: Po minohet mundësia e paqes
K.M/ReportTv.al