Që në orët e para të mëngjesit Izraeli ka vijuar bombardimet në Rripin e Gazës. Zëdhënësi i ushtrisë izraelite (IDF) lëshoi një paralajmërim për banorët zonën e Rafah dhe lagjet përreth që të largoheshin menjëherë.
Ai theksoi se "IDF po i kthehet luftës për të eliminuar organizatat terroriste në këto zona".
Ndërkohë Shoqata e Gjysmëhënës së Kuqe Palestineze (PRCS) ka gjetur trupat e 14 punonjësve të urgjencës, një javë pasi automjetet e tyre u vunë nën zjarr nga forcat izraelite pranë Rafah, në Al-Hashashin.
Lajmi u konfirmua nga vetë PRCS, në një deklaratë të përbashkët me Federatën Ndërkombëtare të Shoqatave të Kryqit të Kuq, ku njoftojnë se kanë gjetur trupat e tyre, përveç një oficeri të ambulancës që akoma rezulton i zhdukur.
Që nga fillimi i konfliktit në Rripin e Gazës, 7 tetor 2023, raportohet se viktimat janë midis 50,000 dhe 62,000 (duke marrë parasysh të zhdukurit), mbi gjysma e të cilëve janë fëmijë.
Komente
