Një grusht shteti e iniciuar nga ushtria dhe vet civilët e Sudanit bëri që për gjatë javës së fundit vendi të kalojë kriza të brendshme.
Mediat e huaja raportojnë se ditën e sotme ushtria në Sudan ka marrë kontrollin e plotë mbi pushtetin, gjë nënkupton një pushtet për zgjedhjet demokratike deri më 2023.
Gjenerali më i lartë i Sudanit, Abdel Fattah al-Burhan, tha se marrëveshja me anëtarët civilë të këshillit sovran kalimtar të vendit "u bë një konflikt" gjatë dy viteve të fundit, duke "kërcënuar paqen dhe unitetin" në Sudan. Disa nene të kushtetutës janë pezulluar dhe guvernatorët e shtetit janë hequr, tha gjithashtu Burhan.
Kryeministri Hamdok dhe gruaja e tij, si dhe shumë ministra dhe zyrtarë të qeverisë, u arrestuan të hënën dhe më vonë u kthyen në rezidencën e tyre të martën, sipas një burimi nga Zyra e Kryeministrit të Sudanit dhe një burim ushtarak.
‘Shqetësimi mbi forcat e armatosura këtu është se dëshirojnë t’i vënë fundin tranzicionit demokratik.
Ku e lë kjo tranzicionin demokratik?
Marrja e pushtetit ushtarak kërcënon të prishë rrugën e Sudanit drejt demokracisë, ashtu si vendi kishte filluar të rishfaqet pas dekadash sundimi autokratik, izolimit global dhe sanksioneve ekonomike gjymtuese.
Në vetëm pak javë, sudanezët ishin gati të festonin udhëheqjen e tyre të parë të plotë civile në tre dekada. Por tani, ushtria ka deklaruar se do të vendosë vetë dhe është e paqartë nëse do ta përmbushë premtimin e saj për zgjedhje të lira.
Burhan tha të martën se periudha e tranzicionit do të përqendrohet ende në krijimin e një qeverie civile dhe pretendoi se ushtria sudaneze nuk do të përfshihet në politikë. “Ne duam vetëm të korrigjojmë rrugën e fazës tranzitore”, tha ai.
