Tregu i shkëmbimit valutor duket një terren ‘kështjellë’ e Lekut ndaj valutave të huaja, duke mos e humbur pozitën që nga nisja e këtij viti.
Monedhat e huaja, dollari amerikan, euroja dhe paundi britanik humbën përsëri terren këtë të hënë në kursin e këmbimit dhe e vetmja ndër valutat dikur të forta që nuk humbi terren ishte Franga zvicerane, që u forcua karshi lekut me 0,09 pikë. Gjithashtu edhe Jeni japonez, me plus 0,11 pikë.
Sipas kursit zyrtar të Bankës së Shqipërisë, një dollar u këmbye me 90.14 lekë, duke humbur 0.41 pikë. Një euro u këmbye me 98.27 lekë, ose 0.05 lekë më pak se një ditë më parë.
Paundi britanik u këmbye me 116.89 lekë, ose 0.01 lekë më pak, ndërsa franga zvicerane u forcua me 0.09 lekë, duke u këmbyer me 104.41.
Kursi i këmbimit sipas Bankës së Shqipërisë
Komento
Komente
