Ernesto Valverde mund të shkarkohet që sot nga pankina e Barcelonës. Raportimet në Spanjë thonë se pavarësisht se trajneri ka stërvituar skuadrën në seancën e paraditës, pasditje mund të sjellë ndryshime rrënjesore.
Në orën 14:00 është mbajtur një takim mes presidentit Bartomeu dhe drejtuesve Abidal, Bordas e Grau, të cilët janë të mendimit që Valverde duhet shkarkuar. Për këtë arsye pas dështimit të marrëveshjes me Xavi-n, por edhe me Ronald Koeman, dëshira më e madhe e presidentit është firma me Pochetino-n, ish-trajnerin e Tottenham.
Bartomeu është një fans i argjentinasit dhe në këtë drejtim mund të kemi të reja. Gjithsesi këto nuk janë alternativat e vetme, pasi opsionë janë edhe trajneri i ekipit B të Barcelonës Javier garsia dhe ish-trajneri i Real Betis Quique Setien.
Por për atë që po ndodh te Barcelona një sërë emrash të rëndësishëm kanë dalë kundër. Ata janë të mendimit se me Valverde-n nuk po veprohet ndershmërisht. Ish-trajneri Barcelonës dhe aktualisht trajneri i Spanjës Luis Enrike është shprehur: “Valverde është akoma në një pozicion ku mund të fitojë të gjithë trofetë e sezonit.”
Ndërkohë një tjetër ish-trajner i Barcelonës, Pep Guardiola ka deklaruar: ‘Ndjehem keq për Valverde-n, ai nuk e meriton këtë.’ Pa reaguar për shkarkimin e Valverde-s nuk ka qëndruar as Iniesta, i cili është shprehur: “Mënyra se si klubi ka reaguar për disa gjëra është pak e shëmtuar.”
Komente
