KOSOVË- “Trendi negativ” i infektimeve nga COVID-19 vijon të jetë kërcënues në Kosovë. Gjatë 24 orët e fundit kanë humbur betejën me jetën, 24 qytetarë, ndërkohë që janë konfirmuar pozitiv nga virusi 357 persona.
Duke qenë se Kosova është duke u përballur me një valë të re të COVID-19, u pa e nevojshme që në vend të vendoseshin masa të reja shtrënguese për të mbajtur situatën nën kontroll.
Ndërkohë për shkak të rritjes së vazhdueshme të viktimave dhe rasteve të reja, si hipotezë u hodh edhe mundësia e shtyrjes së zgjedhjeve lokale në ven, megjithatë një gjë e tillë nuk do të realizohet siç raportoi edhe presidentja e vendit, Vjosa Osmani.
Për sa i përket vaksinimit masiv të qytetarëve ai po vijon, megjithëse jo një ritmin e duhur për të arritur imunizimin e tufës sa më shpejtë të jetë e mundur.
