Instituti i Shëndetit Publik është në monitorim të situatës epidemiologjke por ende nuk kanë evidenca zyrtare për praninë e varianti Delta në Shqipëri, ndonëse kanë dyshime të arsyeshme.
“Kemi dyshime të arsyeshme dhe prandaj po vazhdojmë po monitorojmë situatën, por evidenca nuk kemi akoma, zyrtarisht nuk kemi evidenca. Mendojmë të vijojmë me testime dhe monitorimin e situatës dhe epidmiologjike po ashtu dhe të laboratorit”-tha shefja e laboratorit të virologjisë në ISHP, Iris Hasibra.
Nëse rrezikohemi nga një valë tjetër e shifrave të larta të infektimeve në vjeshtë. Shefja e laboratorit të virologjisë në ISHP, Iris Hasriba sugjeron se vetëm vaksinimi garanton mbrotje.
“Mesazhi kryesor duhet të jetë që njerëzit nuk duhet të refuzojmë testimin, që njerëzit duhet të vazhdojnë me masat dhe distancimin social. Njerëzit duhet të vazhdojnë të vaksinohen sidomos tani përpara vjeshtës meqë mundësia e vaksinimit është e siguruar dhe nga ana e shteti, kështu që besoj se me këto masa ne do të ecim përpara për ta mundur këtë virus. Vetëm kështu mund të lëvizim duke mënjanuar këto valët epidemike apo vazhdimësinë e pandemisë”- u shpreh Iris Hasibra
Varianti Delta i COVID-19 ka një transmetueshmëri 50% më të lartë se varianti britanik që më herët ka qarkulluar dhe në vendin tonë. Ndërkohë prej disa ditësh autoritetet shëndetësore kanë dërguar mostra për analizë në Gjermani për të vërtetuar nëse qarkullon ose jo varianti delta në vendin tonë.
