Teksa varianti delta ka “pushtuar” botën, në vendet e rajonit veçanërisht në Kosovë dhe Maqedoninë e Veriut është vënë re një rritje drastike e rasteve dhe viktimave nga COVID-19.
Në 24 orët e fundit, në Kosovë kanë humbur betejën me COVID-19, 11 persona, shifra më e lartë e shënuar ndonjëherë që prej shfaqjes së variantit delta në vend.
Ndërkohë nga 10.710 testime të kryera, 1.682 qytetarë kanë rezultuar pozitiv me virusin.
Megjithëse procesi vaksinimit masiv po vijon normalisht, ku prej fillimit të tij janë kryer 707.793 doza të vaksinës dhe masat anti-COVID janë ashpërsuar, sërish numri i infektimeve mbetet i lartë.
Edhe në Maqedoninë e Veriut, varianti delta është tashmë një kërcënim për qytetarët që ende refuzojnë të bëjnë vaksinën.
Gjatë 24 orët e fundit, 14 persona të infektuar nga koronavirusi kanë humbur jetën, ndërsa pozitivë kanë rezultuar 882 persona.
Kjo rritje e menjëhershme e rasteve ka ardhur si pasojë e përhapjes me shpejtësi marramendëse e variantit delta.
Komente
