Rritja drastike e infektimeve me COVID-19 dhe varianti omikron, ka bërë që kryeministri i Greqisë, Kyriakos Mitsotakis të vendosi me detyrim vaksinimin e qytetarëve mbi 60 vjeç, ose në të kundërt do të gjobiten me 100 euro.
“Është e sigurt se mutacioni i ri do të shfaqet edhe në vend tonë”, tha kryeministri, duke shtuar se masat ekzistuese duhet të zbatohen me përpikmëri, ndërsa bllokomi nuk është një zgjidhje.
Ai tha se Greqia, është vendi i dytë në Evrope me numrin më të lartë të vaksinimeve të dozës së tretë, megjithatë nuk duhet qe përpjekjet për mposhtjen e pandemisë të ndalen.
Mitsotakis e vuri theksin te risku i madh i personave mb 60 vjeç për t’u infektuar, ndaj shihet e arsyeshme që të behet me detyrim vaksinimi, në mënyrë që të shmanget përjetimi i formave të rënda të virusit apo edhe vdekjen.
“Vaksinimi nuk është vetëm i detyrueshëm, por edhe i domosdoshëm”, tha ai.
Në Greqi shifrat e infektimeve dhe viktimave nga koronavirusi janë alarmante, duke bërë që masat të shtrëngohen në mbarë vendin. Kohët e fundit janë intensifikuar edhe kontrollet për zbatimin e tyre.
Komente
