Vatikani dërgon në Kinë qindra mijëra maska për njerëzit në provincat kineze të Hubei, Zhejiang dhe Fujian, si ndihmë në përballimin e shpërthimit të koronavirusit.
Në një deklaratë të lëshuar për CNN, zëdhënësi i Vatikanit Matteo Bruni tha se maska u dërguan "për të ndihmuar në ndalimin e përhapjes së koronavirusit".
Pekini zyrtar më herët ka njoftuar se në Kinë ka nevoja urgjente për pajisje mbrojtëse dhe pajisje mjekësore për të përballuar epideminë e koronavirusit të ri të Wuhan i cili vazhdon të mbajë një ritëm të qëndrueshëm, duke pasur parasysh që 362 vdekjet e deritanishme kanë tejkaluar 349 vdekjet e shkaktuara nga SARS në 2003 në territorin kinez ndërsa të infektuarit janë më shumë prej 17,000.
Zëdhënësi i Ministrisë së Jashtme Hua Chunying tha se "Ajo që Kina kërkon urgjentisht nga shtetet e tjera janë maska mjekësore, kostume mbrojtëse dhe syze mbrojtëse".
Ndërkohë në Tailand, një koktejl droge ka dhënë rezultate premtuese te një pacient 71-vjeçar i infektuar. Ministria e Shëndetësisë e Taivanit thotë se 48 orë pas trajtimit me një përzierje antiviralësh të përdorur për trajtimin e gripit dhe HIV-it, pacienti rezultoi negativ në teste.
Lajmi kryesor: