Një aksident ka ndodhur mbrëmjen e sotme në aksin rrugor “Kosmaç-Vau i Dejës”, ku një 17-vjeçar ka humbur kontrollin e mjetit që drejtonte dhe është përplasur me murin rrethues të një banese.
Si pasojë e përplasjes, 17-vjeçari dhe vëllai i tij që ndodhej në mjet, kanë mbetur të plagosur dhe ndodhen në Spitalin e Shkodrës, nën kujdesin e mjekëve.
Ndërsa policia bën me dije se ndodhet në vendngjarje.
“Rreth orës 21:37, në aksin rrugor “Kosmaç - Vau i Dejës”, një 17-vjeçar, duke drejtuar një automjet, dyshohet se ka humbur kontrollin mbi drejtimin e tij dhe ka dalë nga rruga, duke u përplasur me murin rrethues të një banese.
Si pasojë, janë dëmtuar 17-vjeçari dhe vëllai i tij, shtetasi F.G., të cilët ndodhen në Spitalin Rajonal Shkodër, nën kujdesin e mjekëve.
Grupi hetimor vijon punën për zbardhjen e rrethanave të aksidentit”, thuhet në njoftimin e policisë.
Komente
