Vau i Dejës - Një 27-vjeçar i cili ishte në kërkim ka rënë në prangat e policisë pasi dyshohet se kishte kultivuar 180 bimëve narkotike kanabis në fshatin Mnelë.
Në kërkim është shpallur bashkëpunëtori i tij 17-vjeç, ndërsa në gjendje të lirë do të hetohet babai i 27-vjeçarit pasi gjatë kontrollit në banesë blutë gjetën një armë gjahu që e mbante pa leje.
Lënda narkotike u asgjësua nga uniformat blu gjatë muajit të kaluar (qershor).
Njoftimi i policisë:
Në vijim të veprimeve hetimore dhe operacionale në kuadër të operacionit policor antikanabis, të koduar “Koordinata”, specialistët për Hetimin e Krimeve të Komisariatit të Policisë Vau i Dejës kapën dhe ndaluan shtetasin P. N., 27 vjeç.
Ky shtetas ishte shpallur në kërkim pasi nga hetimet e kryera me metoda proaktive, në drejtimin e Prokurorisë, dyshohet se një bashkëpunim me një 17-vjeçar, kanë kultivuar 180 bimë të dyshuara narkotike Cannabis Sativa, në fshatin Mnelë, të cilat janë janë gjetur dhe asgjësuar nga shërbimet e Policisë, në muajin qershor. Punohet për kapjen e 17-vjeçarit.
Në vijim të veprimeve procedurale, u krye kontroll në banesën e shtetasit Z. N., 62 vjeç, babai i shtetasit të arrestuar, ku u gjet dhe u sekuestrua një armë gjahu që 62-vjeçari e mbante pa leje. U referuan materialet procedurale në Prokurori dhe nisi procedimi penal për 62-vjeçarin.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
Komente
