KORÇË - Për vdekjen e 12 vjeçarit Leo Sadikut, në QSUNT Tiranë, prokuroria e Korçës ka shpallur moskompetencë për hetimet, për shkak se ngjarja ka ndodhur në kryeqytet.
Në dosje janë administruar kartelat mjekësore të 12-vjeçarit, në spitalin e Korçës dhe në atë të Tiranës, si dhe kanë dëshmuar mjekët që kanë kryer mjekimin e të ndjerit.
Për shkak se në aspektin territorial, ngjarja ka ndodhur në Tiranë, dosja i ka kaluar për vazhdimin e hetimeve prokurorisë së kryeqytetit.
Leo Sadiku ishte shtruar në spitalin e Korçës me shenja të gripit më 28 dhjetor 2024 dhe la spitalin natën e Vitit të Ri. Gjendja e tij u përkeqësua dhe u rikthye në spital më 7 janar, me tension të lartë, glicemi të lartë, të vjella dhe temperaturë. Mjekët e Korçës e dërguan në Pediatrinë e QSUT-së ku dhe ndërroi jetë më 8 Janar.
QSUT tha se shkak i vdekjes ishte miokarditi akut, një sëmundje e rrallë dhe e rrezikshme, e cila shoqërohet me shkallë të lartë vdekshmërie. Policia e Korçës ka nisur hetimet nëse ka pasur neglizhencë mjekësore gjatë trajtimit, pasi i mituri u paraqit me simptomat e gripit e më pas ndërroi jetë nga zemra.
Lajmi ne perditesim...
Komente
/ANA/,femija ka qene shtruar me grip ne spital ne fund te Dhjetorit,prinderit e kane nxjerre qe te festonin se bashku naten e Vitit te Ri,pra ka dale /me leje/,jo me fletedalje si /i sheruar/ nga mjeket.Dhe prinderit ne vend qe t'a rikthenin ne spital ne 2,ose 3 Janar,kane vazhduar t'a mbajne ne shtepi edhe pse nuk ishte i sheruar plotesisht.Nderkohe gjendja gripale qe nuk ishte sheruar kurre plotesisht, duket se ka marre nje kthim per keq dhe ne 7 Janar me ne fund prinderit e risjellin ne spital dhe femija humb jeten nje dite me vone.Miokarditi akut ka qene efekt anesor,ose pasoje e gripit.Per mendimin tim fajin e kane prinderit qe e mbajten me shume se cduhet dhe pse i pasheruar dhe mjeket e spitalit te Korces qe nuk detyruan familjen t'a risillte minimalisht per nje kontroll,jo me qe ky duhej rishtruar se kishte dale vetem /me leje/.QSUT nuk ka asnje faj ne kete mes,kur femija eshte sjelle aty,ka qene pertej mundesise se shpetimit,nuk kishin cfare t'i benin me.
PërgjigjuO njerez qe te kuptoni miiiire,mjeku nuk eshte magjistat as ka shkop magjik, ka njohuri me shume si funksionon trupi yne. Patjeter I qendron prane te semurit, e tenton te gjeje problematiken qe ka, por kjo do kohe dhe nganjehere vihet vetem ne autopsi. Nqs mjeku nuk e viziton, nuk merr masa per te lehtesuar shqetesimet , ( ato qe mundet), quhet nwglizhence mjekesore. Por qe femija I shkrete nga gripi ka bere miokardit, e ka ardhur serish ne gjendje terminale
Përgjigju