Presidenti i vendit Bajram Begaj i ka dërguar një mesazh ngushëllimi familjes Rushaj, që për shkak të motit të keq humbi jetën Pjetër dhe Jason Rushaj.
Babë e bir humbën jetën pasi makina me të cilën udhëtonin u mor nga rrjedha e ujit në Grykë Lugje në Malësinë e Madhe.
Presidenti Begaj u ka nisur një telegram ngushëllimi familjarëve të dy viktima të përmbytjeve në Shkodrër.
‘Të dashur familjarë të të ndjerëve Pjetër e Jason! Më trishtim të thellë përjetova lajmin e humbjes tragjike të jetës së dy pjesëtarëve të familjes tuaj, për shkak të reshjeve të rrëmbyera të ditëve të fundit. Ju shpreh ngushëllimet e mia më të sinqerta për humbjen e babait dhe birit tuaj! Në këto momente kaq të vështira që po kaloni, përmes këtij mesazhi dëshiroj të jem sa më pranë jush.’- shkruhet në telegramin e presidentit Begaj.
Pjetër dhe Jason Rushaj ishin viktima të motit të keq që përfshiu vendin ditët e fundit. Pjetër Rrushaj bashkë me të birin, Jasonin 13 vjeç u gjetën pajetë një ditë pasi rrjedha e përroi të Thatë përpiu makinën e tyre në fshatin Bogë të Malësisë së Madhe.
