Në konferencën për shtyp me Bushatin në Tiranë ministri i Jashtëm turk Mevlut Çavusoglu u pyet edhe për zhdukjen e gazetarit saudit në konsullatën e Arabisë Saudite në Stamboll.
Ai hodhi poshtë pretendimet se Ankaraja u ka nisur Shteteve të Bashkuara të dhëna për zhdukjen e gazetarit saudit, Jamal Khashoggi.
Ai u shpreh se nuk i kemi dërguar asnjë audio regjistrim SHBA-ve dhe se po bëjmë një hetim gjithëpërfshirës të nisur nga prokuroria e Stambollit dhe presim rezultatin e saj.
"Nuk i kemi dërguar asnjë audio regjistrim SHBA-së. Ne po bëjmë një hetim gjithëpërfshirës të nisur nga prokuroria e Stambollit dhe presim rezultatin e saj.
Sapo ti kemi rezultatet që do dalin nga laboratori do t’ia shpërndajmë të gjithë botës në mënyrë transparente" deklaroi ai.
Vdekja e gazetarit Khashoggi ka shkaktuar zemërim ndërkombëtar dhe ka tensionuar marrëdhëniet në mes të Arabisë Saudite dhe Perëndimit.
Komente
