Vannesa Bryant, e veja e Kobe Bryant është shpërblyer me 16 milionë dollarë për fotot e publikuara nga rrëzimi i helikopterit, ku humbi jetën legjenda e basketbollit amerikan së bashku me vajzën e tij në vitin 2020.
40-vjeçarja tha se kishte sulme paniku pasi mësoi se ishin shpërndarë imazhet e marra nga autoritet e Los Anxhelosit dhe nga zjarrfikësit.
Juria federale vendosi që zonja Bryant të dëmshpërblehet për shqetësimin emocional që ka përjetuar. Po ashtu, dhe bashkë-paditësit Christopher Chester do të paguhen 15 milionë dollarë.
Një raport nga Los Angeles Times që pretendon se punonjësit e qarkut kanë marrë foto në vendin e përplasjes dhe i kanë ndarë me të tjerët, ka zemëruar familjet e viktimave.
Kobe Bryant , ish-basketbollisti i njohur i NBA-së Kobe Bryant së bashku me vajzën 13-vjeçe ndërruan jetë në mënyrë tragjike nga një aksident ajror, pasi helikopteri me të cilin po udhëtonte u rrëzua në Kaliforni.
