Ramadan Zdrava ishte një prej studentëve shqiptarë të diplomuar në Itali, të cilët patën një fat të ngjashëm të jetës së tyre, pasi në Shqipëri u vendos regjimi komunist.
I ati i tij, Sulejman Zdrava, një ushtarak karrierë që kishte luftuar gjithë jetën për të mbrojtur kufijtë e vendit të tij, e me një karrierë të gjatë në xhandarmërinë shqiptare, ishte arratisur në fund të luftës dhe kështu Ramadani me familjen e tij ishte vënë në rreth të kuq që në ditët e para të regjimit.
Ramadanin e kishin internuar fillimisht në kampin e Krujës, së bashku me nënën bashkëshorten dhe tre fëmijët.
Dhe vetëm pak kohë më pas e kishin arrestuar me akuza të paqena e një proces të montuar gjyqësor dhe e kishin burgosur, duke e bërë të përjetonte ferrin e kampeve burgje nëpër kënetat e Shqipërisë.
Komente
