Një 24-vjeçare, pjesë e ekuipazhit të 'Air Albania' me një linjë që udhëtonte nga Shqipëria në Britani ka ndërruar jetë pasi u sëmur gjatë fluturimit për në aeroportin Stansted. E reja, identiteti i të cilës nuk dihet, u rrëzua në tokë pa ndjenja kur ndaloi avioni.
Shërbimi i Ambulancës Lindore të Anglisë NHS konfirmoi se dy ambulanca iu përgjigjën raportimeve se e reja u sëmur rëndë. Avioni ndaloi rreth orës 13:00 të së mërkurës më 21 dhjetor, ashtu sic ishte planifikuar.
E reja u dërgua me urgjencë për në spitalin Princess Alexandra në Harlow, por nuk ka arritur të shpëtojë. Ende mbetet e paqartë çfarë problemi shëndetësor i shkaktoi vdekjen.
Një zëdhënës i policisë së Essex tha: "Ne mbështetëm kolegët tanë në Manchester Airports Group dhe shërbimin e ambulancës në Aeroportin Stansted pasi u thirrëm për një shqetësim lidhur me shëndetin."
