Prado Salmon ish gjeneral bolivian, është ndarë nga jeta në moshën 84-vjeçare, duke lënë pas një ngjarje në historinë e Bovilisë për të cilën do të kujtohet gjithmonë.
Salmomn ishte udhëheqësi i një operacion ushtarak të mbështetur nga SHBA për kapjen e revolucionarin komunist argjentinas Che Guevara, i cili kishte qenë një figurë qendrore në revolucionin komunist të Kubës dhe një nxitës i përhapjes së komunizmit në Bolivi.
Gjenerali i dorëzoi Guevaran eprorëve të tij, të cilët një ditë më vonë e ekzekutuan me armë.
Pas kësaj Prado Salmon u emërua hero kombëtar në Bolivi në nder të udhëheqjes së tij në operacionin ushtarak për kapjen dhe ekzekutimin e revolucionarit në vend në 1967.
Ekipi i Salmonit, i njohur si Rangers Bolivian, u trajnua nga Beretat e Gjelbërta të SHBA-së, të cilëve iu tha të përgatisnin vendasit për një luftë kundër taktikave guerile në rajon.
Që nga viti 1981, Salmon kishte qenë në një karrige me rrota, pasi u qëllua aksidentalisht në shpinë nga një oficer tjetër.
Ai gjithmonë kishte thënë se kapja e Che Guevarës nuk ishte gjëja më e rëndësishme që ai bëri në jetën e tij përkundrazi, ishte kontributi i tij për t'i bërë forcat e armatosura një institucion demokratik që do të respektonte kushtetutën dhe ligjet.
Kujtojmë se SHBA veproi kundër aktivistëve dhe partive të majta në Latina, pasi kishin frikë nga rritja e ndikimit të Bashkimit Sovjetik komunist. Kuba mbetet ende nën sanksionet e SHBA-së për lidhjet e saj të ngushta me BRSS-në e dikurshme.
Ish-presidenti i SHBA-së, Barack Obama, vendosi lidhje diplomatike me Kubën në vitin 2015 pas 50 vjetësh, por masa u anulua nga pasardhësi i tij Donald Trump.
Që nga mesi i prillit, Prado Salmon vuante nga komplikime shëndetësore dhe po merrte trajtim spitalor.
Parlamenti i Bolivisë e shpalli atë hero kombëtar për rolin e tij në kapjen e Guevarës. Ushtria sundonte mbi vendin e Amerikës Latine në atë kohë.
Prado Salmon mbeti i paralizuar pasi u qëllua aksidentalisht në shpinë në vitin 1981. Ai doli në pension nga ushtria në 1988.
Komente
