'Veri Jug' vjen me një reportazh realizuar në fshatin Rashna Poje të Dibrës. Në fokus është fermeri Veip Salkurti, i njohur si Veipi i qershive te Dibrës, i cili një vresht rrushi, prej 30 vjetësh, e ka kthyer në një miniplatancion qershish.
Në 7 ha të mbjella me këtë pemë ai pret të marrë sivjet rreth 100 kv qershi. Veipi ka një eksperiencë shumë të mirë edhe nga mbjellja e mollëve, dardhave, boronicave dhe manaferrave.
Ai thotë se problem mbetet çështja e pronave në Dibër, një çështje ende në dosjet e gjykatave, si dhe luhatja e çmimeve në një treg që nuk i respekton prodhuesit shqiptarë.
Pas suksesit si fermer, i pyetur nëse do ta pranonte postin e një zv.ministri Bujqësisë ose të kryeministrit, ai me humor bën prapaktheu dhe thotë se për asnjë motiv nuk do pranonte poste shtetërore, megjithëse ka shumë miq politikanë dhe deputetë në Tiranë.
Fermeri Veip Salkurti me fermën e tij në fshatin Rashna Pojë të Dibrës, flet për traditën e dibranëve në mbjelljen e drurëve frutorë qershi, mollë, lajthi, arrorë dhe manaferra.
Vetëm në fshatin Rashna Pojë janë 12 fermerë që kultivojnë drurët e lartpërmendura.
Suksesi në prodhim dhe në treg - i garantuar.
Fermeri Veip Salkurti nga Dibra thotë se nëse i vjen një propozim nga qeveria për ta lënë fermën, qershitë dhe mollët, për të marrë një post në Ministrinë e Bujqësisë, ai nuk do ta pranonte kurrë atë, edhe sikur kryeministër ta propozonin.
Jeta e tij, thotë ai në emisionin ‘Veri Jug, është e lidhur me tokën dhe nuk ka motiv më të madh se puna, me të cilën ai mban biznesin dhe familjen e tij.
Komente
shtoi veip plantacionet e qershive,,,,kumbullave,,dhe molleve....dhe boronices....
Përgjigju