Kryetari i Bashkisë së Tiranës, Erion Veliaj, ka ndarë me ndjekësit e tij në rrjete sociale pamjet e projektit të ri për ndërtimin e një parkingu nëntokësor në zonën e Liqenit të Thatë.
Ai e ka cilësuar këtë investim si një lehtësim të madh për qytetarët që frekuentojnë Parkun e Madh të Liqenit, por edhe si një hapësirë të re të gjelbër dhe argëtuese për familjet.
“Ja si do të duket parkingu i ri nëntokësor te Liqeni i Thatë, për të cilin jam shumë entuziast e mezi pres të nisim nga puna. Me plot 117 poste arkimi nën tokë dhe disa fusha futbolli, basketbolli dhe volejbolli mbi tokë , do të jetë një tjetër lehtësim për qytetarët e shumtë që frekuentojnë Parkun e Madh të Liqenit, por edhe një hapësirë e re e gjelbëruar dhe me plot lojëra për fëmijët. Puna në Tiranë nuk ndalet”, shkruan Veliaj në postim.
Komente
sa ka punuar lali Eri ska punuar njeri ne kete vend! Respekt per kontributin e tij ne zhvillimin e Tiranes. sigurisht ka edhe gjera per te rregulluar ne te ardhmen.
Përgjigju