Artur Zotka, vëllai i kryebashkiakut të Poliçanit, Adriatik Zotka ka përfunduar pas hekurave 7 vite pasi ishte dënuar nga gjykata për shitje droge.
Përmes një njoftimi, Policia e Beratit bëri të ditur se Specialistët për Hetimin e Narkotikëve ndaluan shtetasin Artur Zotka 55 vjeç, banues në Poliçan. Burimet thanë se pas arrestimit është shtruar në spital, për shkak të gjendjes së rënduar shëndetësore.
Gjykata e Beratit, me vendimin e datës 13.03.2017, e ka dënuar Zotkën me 1 vit e 4 muaj burgim, për veprën penale "Prodhimi dhe shitja e narkotikëve", pasi në muajin shtator 2015, gjatë operacionit "Pronoviku", në banesën e këtij shtetasi janë gjetur dhe sekuestruar 9 kilogramë kanabis sativa.
Dënimin asokohe Gjykata e Beratit e konvertoi në shërbim prove, por organi i akuzës e apeloi, duke rikthyer dënimin me burg për 55-vjeçarin.
