Këshilli Kombëtar i Territorit në mbledhjen e fundit ka miratuar 26 vendime. Ndër të tjera, janë dhënë leje ndërtimi për 11 HEC, ndërsa për gjashtë HEC-e të tjerë është dhënë leje për ndërtimin e burimit të ri gjenerues të energjisë. Ndërsa në Bulqizë është dhënë leja që ndërtohet një fabrikë pasurimi kromi.
Konkretisht, është dhënë leje zhvillimi për Tirana Residential & Business Park, Rruga e Rinasit, Vorë; leje ndërtimi për MK-Hotel Tirana, brenda kompleksit Tirana Business Park, Vorë; për ndërtimin e kolektorit kryesor në Gjirin e Lalëzit; rikonstruksion pa ndryshim funksioni për Shkollën Hoteleri-Turizëm, Tiranë; Fabrikë Pasurimi Kromi, Krastë-Theken, Bulqizë, etj.
Ndërsa në fushën e energjetikës, është dhë leje ndërtimi për HEC “Dukona”, në përroin e Dukonës, Berat; “EME”, në përroin e Shëngjinit të Gurrzës, degë e lumit Fan i Vogël, Mirditë; “ARSTI”, në përroin e Arstit, degë e lumit Drin, Fushë-Arrëz; “Gur i Zi”, në pjesën e sipërme të lumit Kurvajt dhe në degët e tij, Mat; “Mesmal 1,2,3 dhe Selca 2”, në pellgun ujëmbledhës të lumit të Selcës dhe Velçanit, Maliq; “Shelli”, në përroin e grykës së Shellit dhe “Daznjanë”, në përroin e Daznjanës, Mat; “Dobrinjë”, në pellgun ujëmbledhës të lumit Cemi i Selcës, Malësi e Madhe; “Lusen” 1,2,3 në përroin e Mullirit dhe Vllanijes në Kukës: “Llengë 1”, “Llengë 2” dhe “Llengë 3”, në Pogradec. Leje Zhvillimi është dhënë për agroturizëm dhe hoteleri në “Taverna Melko”, Boboshticë; “Kompleks Turistik Rezidencial Hamallaj”, dhe “Kompleks Turistik Rezidencial “Lalzi Marina Seaside”.
Komente
