Tiranë- Gjykata e Posaçme e Shkallës së Parë ka shpallur fajtorë dhe dënuar me nga 3 vite burgim secilin 2 persona të pandehur për akuzën e korrupsionit pasiv të personave që ushtrojnë funksione publike.
Të dënuarit janë Kristi Zyka dhe Florian Disha, që për shkak të gjykimit të shkurtuar iu zbrit dënimi me nga një vit burgim secilit. PAK çoi dosjen për proces në muajin korrik të vitit 2024 dhe gjykimi ndaj tyre nisi në mungesë, teksa ishin me masën e sigurisë "arrest me burg".
Prokuroria e Posaçme e kishte dërguar dosjen për proces që prej vitit 2024, teksa ishte pranuar kërkesa për gjykim të shkurtuar.
Vendimi u dha sot (23 Janar) nga trupa gjykuese e përbërë nga gjyqtarët Rudina Palloj, Flora Hajredinaj dhe Bib Ndreca.
Kristi Zyka u dënua me 3 vite burgim dhe me uljen e një të tretës zbriti në 2 vite izolim, që do kryhet në një burg të zakonshëm. Gjithashu Zykës i hiqet e drejta për të ushtruar funksione publike për një periudhë kohore prej 5 vitesh.
Florian Disha gjithashtu u dënua me 3 vite burgim dhe me gjykim të shkurtuar përfundimisht mori 2 vite izolim dhe që do e vuajë në një burg të sigurisë së zakonshme, teksa i hiqet edhe e drejta e ushtrimit të funksioneve publike për 5 vite.
Kliko këtu për të lexuar dokumentin e plotë
Komente
