Para se Agim Kajmakut, KQZ-ja t’i hiqte mandatin, ka shkarkuar dy nënkryetarët e Bashkisë së Vorës, bashki që ai e drejtojë për shumë pak kohë. Burime nga Bashkia e Vorës konfirmuan për Report TV, se Kajmaku ka shkarkuar Laureta Omerin, si dhe nënkryetarin tjetër, Hekuran Brahimajn.
Me 1 nëntor, KQZ i hoqi mandatin kryebashkiakut të Vorës, pas kërkesë së Prokurorisë së Përgjithshme, se ai ka shkelur ligjin e Dekriminalizimit, sepse nuk ka pasqyruar arrestimin dhe e më pas hetimin e tij në shtetin grek.
Dy nënkryetarët ishin në këtë detyrë që kur Bashkia e Vorës drejtohej nga ish-kryetari Fiqir Ismaili, që i përkiste Partisë Demokratike.
Nga përgjigjja që Interpol Greqia dhe Interpol Tirana i dërguan Prokurorisë së Përgjithshme, u vërtetua se gjurmët e gishtërinjve të Agim Kajmakut janë të njëjta me Jorgo Toton, i cili është arrestuar në Greqi dhe këtë arrestim nuk e ka deklaruar kur ai kandidoi për zgjedhjet e 30 qershorit nën siglën e PS-së. Agim Kajmaku është kryebashkiaku i dytë që nuk e gëzoi mandatin e marrë në zgjedhjet e 30 qershorit.
Prokuroria e Përgjithshme ka nisur hetimet ndaj Agim Kajmakut, në bazë të ligjit të dekriminalizimit.
Komente
Sa mire ja ka bere, mbasi e kuptoj qe shtriga Belind e perdori mire e mire dhe i mori mjaftueshem para ja u futi ne fund. Clidhje ka ish shefja e kabinetit te albkontrollit kryetare bashkie ne Vore. Laureta Omeri kryetare ne Vore ky eshte kulmi . Fundi po vjen tik tak.
PërgjigjuDhe ky gomari qe kemi ketu njesoj eshte