TIRANE - Festa e Pavarësisë dhe ajo e Çlirimit, 28-29 nëntori, vijnë bashkë me një lajm të mirë për punonjësit e administratës publike. Me vendim qeverie ata do kenë plot 5 ditë pushim, pra më shumë se në festën e Vitit të Ri. Kjo pasi datat 28-29, pushim zyrtar, përkojnë në mesjavë, më konkretisht e mërkurë dhe e enjte.
Për këtë shkak, qeveria ka vendosur që të caktojë edhe ditën e premte, 30 nëntor si ditë pushimi. Kjo e fundit, sipas vendimit të miratuar nga qeveria në mbledhjen e sotme, do të zëvendësohet në një nga ditët e pushimit brenda këtij viti. Ndërsa datat 1-2 dhjetor i bien në fundjavë dhe për rrjedhojë janë ditë pushimi. Punonjësit e administratës do kthehen në punë të hënën e 3 dhjetorit. Kjo tregon se administrata do të pushojë plot 5 ditë javën tjetër.
Në të kaluarën, administrata ka pushuar deri në katër ditë për 28-29 nëntorin, përfshirë edhe të shtunë e të diel, krahas dy ditëve të festave zyrtare. Vendimi i sotëm i qeverisë hyn në fuqi menjëherë dhe botohet në “Fletoren Zyrtare”.
VKM për caktimin e datës 30 nëntor, ditë pushimi
Komente
