I hapet rruga ardhjes edhe të vaksinave kineze në vendin tonë. Qeveria ka miratuar Aktin Normativ për të marrë vaksina anti COVID nga Kina. Përmes një Akti Normativ me fuqinë e ligjit miratohet marrëveshja me kompaninë turke “Keymen Ilaç Sanayi ve ticaret” për të furnizuar |Shqipërinë me vaksina të prodhuara nga "Sinovac Life Science CoLtd' dhe të prodhuar në Republikën Popullore të Kinës.
Marrëveshja është arritur mes Ministrisë së Shëndetësisë dhe Mbrojtjes Sociale, ministrit të Shtetit për Rindërtimin dhe Institutit të Shëndetit Publik dhe distributorit të autorizuar, kompanisë turke “Keymen Ilaç Sanayi ve ticaret”.
Është rënë dakord se teksti i marrëveshje për shkak të sekretit tregtar dhe kërkesës së shprehur nga distributori nuk do të publikohet në asnjë ëebsite të institucioneve apo në Fletoren Zyrtare.
Për këtë arsye të gjitha institucionet e përfshira në dhënien e mendimit, të miratimit apo që janë pjesë e procesit kanë detyrimin të mos bëjnë publike marrëveshjen bashkëlidhur këtij akti normativ apo pjesë të saj.
Më 10 mars Qeveria shqiptare miratoi Aktin Normativ me anë të të cilit i dha të drejtën ministrit të Shtetit për Rindërtimin, Arben Ahmetaj, që të negociojë krahas ministrisë së Shëndetësisë, për gjetjen e vaksinave Anti-COVID. Me këtë akt normativ, qeveria i hapi rrugë negocimit të shtetit tonë me kompani të tjera për siguruar vaksinën anti-COVID edhe nga shtetet që janë jashtë BE-së, konkretisht Rusia dhe Kina të cilat prodhojnë vaksina anti-COVID, gjë e cila tashmë është konkretizuar.
Kujtojmë se në vendin tonë tashmë janë duke u kryer në terren vaksina Pfizer, AstraZeneca dhe pritet shume shpejt edhe ajo ruse Sputnik V, 10 mije doza të së cilës mbërritën në Rinas ditën e djeshme.
Hungaria u bë i pari vend anëtar i Bashkimit Evropian që vendosi përdorimin e vaksinës kineze. Vaksina kineze nuk është miratuar ende nga Agjencia Evropiane e Barnave, por BE i lejon një vendi anëtar të përdor një vaksinë tjetër sa kohë e merr vetë përgjegjësinë për të. Pas Hungarisë një sërë shtetesh i janë drejtuar Kinës për sigurimin e kësaj vaksine.
Vaksina e kompanisë kineze Sinopfarm, e cila sipas krijuesve të saj është 80% efikase, përdoret dhe në Serbi.
Akti Normativ i plotë:
AKT NORMATIV Nr. 9, datë 22.3.2021
“1. Miratimin e tekstit të marrëveshjes ndërmjet, Ministrisë së Shëndetësisë dhe Mbrojtjes Sociale, ministrit të Shtetit për Rindërtimin dhe Institutit të Shëndetit Publik dhe distributorit të autorizuar “Keymen Ilaç Sanayi ve ticaret”A.Ş., për furnizimin e Republikës së Shqipërisë me vaksinën e inaktivizuar kundër COVID-19 (Vero Cell) Coronavac, të krijuar nga Sinovac Life Science Co Ltd. dhe të prodhuar në Republikën Popullore të Kinës, sipas tekstit që i bashkëlidhet këtij akti normativ.
2. Marrëveshja për furnizimin ndërmjet Ministrisë së Shëndetësisë dhe Mbrojtjes Sociale, ministrit të Shtetit për Rindërtimin dhe Institutit të Shëndetit Publik dhe “Keymen Ilaç Sanayi veticaret” A.Ş., për shkak të sekretit tregtar dhe kërkesës së shprehur në marrëveshje nga “Keymen Ilaç Sanayi veticaret”, nuk do të publikohet në asnjë ëebsite të institucioneve apo në Fletoren Zyrtare.
3. Të gjitha institucionet e përfshira në dhënien e mendimit, të miratimit apo që janë pjesë e procesit kanë detyrimin të mos bëjnë publike marrëveshjen bashkëlidhur këtij akti normativ apo pjesë të saj.
4. Detyrimet e organeve shtetërore dhe përjashtimet nga detyrimet për furnizimin e vaksinës anticovid, të përcaktuara në aktin normativ nr. 1, datë 10. 1.2021, të Këshillit të Ministrave, të ndryshuar, janë të njëjta edhe për furnizimin e vaksinës së inaktivizuar kundër COVID-19 (Vero Cell), Coronavac të krijuar nga Sinovac Life Science Co Ltd. dhe të prodhuar në Republikën Popullore të Kinës, të furnizuar për Shqipërinë nga Keymen Ilaç Sanayi veticaret A.Ş., sipas kushteve të tekstit të marrëveshjes bashkëlidhur këtij akti normativ.
Neni 2
Efektet financiare, që rrjedhin nga marrëveshja bashkëlidhur këtij akti normativ, përballohen nga fondi rezervë i buxhetit të shtetit për vitin 2021.”
Komente
E shate Rusine nuk late fjale pa thene dhe tani po i lepini prapanicen.
PërgjigjuOre po mire qe po i lepin cka peshtyre per ruset e kinezet. E morem vesh. Por dje edhe sot Kuvendi ka qene ne pune. Cfare jane keto akte normative me fuqine e ligjit kur ligjvenesi eshte aty??? Kjo eshte komplet degjenerim i demokracise dhe kapje e shtetit nga nje individ psikopat. Dhe te tjere minipsikopate qe i mbajne iso.
PërgjigjuVetem personat qe vaksinohen me vaksinat e aprovuara nga BE do mund te hyjn ne vendet e Europes.Per momentin BE nuk njeh as kinezet e as Sputnik.
PërgjigjuBravo Qeveria. Ska nevoj per lojra gjeopolitike me shendetin e popullit. Sic eshte situata duhet vaksinim ne mase qe me ne fund te shohim nje drit jeshile.
Përgjigjuedi rama je gjigand .... ec para dhe mos e vri menjen per liken dhe monen se ato kan hallin e floririt qe kan mshef ne angli dhe ishujt kajman respekte
PërgjigjuKu jan lekët oj Shqipëtarë ? Pse i lejohet vucicit të serbis të luaj me fatin ton, a nuk kishim lek që të blejm vaksinat...? Oj Shqipëri e mjera ti ...
Përgjigju