KRUJË - Një ngjarje tjetër është regjistruar para dy netësh ne lagjen Zezë të Niklës, ku një sasi eksplozivi i është vënë portës së jashtme të banesës së shtetasit Sh. Mehmeti.
Fatmirësisht lënda plasëse nuk ka shpërthyer, megjithëse fitili ishte djegur dhe u konstatua nga të zotët e banesës mëngjesin e djeshëm kur po shkonin për punë.
Sipas burimeve pronari i shtëpisë nuk njihet si person problematik apo që mund të ketë konflikte me njeri dhe kjo e bën më të vështirë punën për zbardhen e ngjarjes.
'Krujë/Informacion- Paraditen e djeshme shtetasi Sh. M., 51 vjeç, ka njoftuar policinë se në afërsi të rrethimit të jashtëm të banesës së tij në Nikël, ka konstatuar 2 kallëpe dyshohet me lëndë plasëse dhe fitil zjarrpërcjelles, të cilat u sekuestruan me cilësinë e provës materiale. Grupi hetimor po punon për sqarimin e rrethanave të ngjarjes si dhe per identifikimin dhe kapjen e autorit.', thotë policia.
Nuk dihen shkaqet apo autorët e kësaj ngjarje por duhet theksuar që edhe pse ngjarja ka ndodhur parmbrëmë është mbajtur e fshehtë nga policia deri tani.
Kujtojmë që parmbrëmë iu vu eksploziv dhe restorantit ‘Brazili i vjetër’ ku aty eksplozivi shpërtheu duke shkaktuar dëme të mëdha materiale.
Komente
Ajo zona e Nikles paska mbledh me kokrra vetem llumin e vendit , jane me keq se talebanet por vetem xhaxhi i kishte ber pula ata dhe shume te tjere qe mbahen si gango sot
Përgjigju