Hetues nga Kombet e Bashkuara kanë deklaruar se qeveria e Venezuelës ka "kryer shkelje të rënda" deri dhe krime kundër njerëzimit.
Rastet e vrasjeve, torturave, dhunës dhe zhdukjeve u hetuan nga një mision faktmbledhës i OKB-së.
Ekipi i Organizatës së Kombeve theksoi gjithashtu se edhe presidenti Nicolás Maduro dhe zyrtarë të tjerë të lartë ishin të implikuar.
Çfarë tha ekipi i OKB?
Në raportin e OKB-së se shërbimet e sigurisë së Venezuelës janë të përfshirë në një model dhune sistematike që nga viti 2014, që synon të shtyp opozitën dhe të terrorizojë popullsinë.
“Maduro dhe ministrat e brendshëm e të mbrojtjes jo vetëm që kanë qënë në dijeni të krimeve, por kanë urdhëruar operacionet”
Po sipas raportit të OKB-së, "forcat e sigurimit të Venezuelës që nga viti 2014 kanë planifikuar dhe ekzekutuar shkelje serioze të të drejtave të njeriut, disa prej të cilave - duke përfshirë vrasje dhe përdorimin sistematik të torturës, të cilat përbëjnë krime kundër njerëzimit. Larg të qenit akte të izoluara, këto krime u koordinuan dhe u kryen në përputhje me politikat e shtetit, me mbështetjen e drejtpërdrejtë të oficerëve komandues dhe zyrtarëve të lartë të qeverisë."
Hetuesit e OKB kanë hartuar një listë me 45 emra të atyre që besohet të jenë përfshirë drejtpërdrejt në aktet e dhunës dhe krime kundër njerëzimit.
