Presidenti i Venezuelës Maduro ka dekretuar falje për 110 të burgosur politikë.
Emri i parë në listë është ai i Roberto Marrero, avokati venezuelian, shefi i shtabit të presidentit të përkohshëm të vetëshpallur, Juan Guaidò, i cili mbahet në burgun e El Helicoide, që sipas një gazette argjentinase është qendra kryesore e torturave në Venezuelë.
Falja e të burgosurve bëhet vetëm pak kohë para zgjedhjeve për rinovimin e Asamblesë Kombëtare që do të mbahen më 6 dhjetor.
Midis 110 të burgosurve që iu dha falja janë edhe 23 janë deputetë të zgjedhur në Asamblenë Kombëtare.
"Synimi i qeverisë - shpjegon Ministri i Komunikimit, Jorge Rodriguez - është të thellojë procesin e pajtimit kombëtar në mënyrë që çështjet politike të zgjidhen me mjete paqësore dhe demokratike".
Dhënia e faljes është gjithashtu pjesë e negociatave që qeveria po kryen me një pjesë të opozitës.
Të liruarit përfshijnë edhe deputetin Juan Requesens, i cili u dënua me dy vite burg me akuzat e pjesëmarrjes në një përpjekje për grusht shteti kundër Presidentit Maduro.
