Adana Demirspor barazoi 2-2 me Istanbulspor për raundin e 16-të në Superligën e Turqisë. Në këtë përballje ra në sy edhe veprimi i Florian Loshaj, mesfushori i Kosovës që luan për Istanbulspor.
Në minutën e 75-të të takimit, kur sfida ishte 1-0 për vendasit, Loshaj ka mbajtur dhe shpëtuar nga një dëmtim i rëndë kundërsharin. Gjatë një dylfutimi, Loshaj ka humbur topin, por ia doli të mbajë nga rrëzimi dhe dëmtimi i mundshëm rivalin.
Pamjet kanë bërë xhiron në rrjetet e komunikimit, me komentet që kanë qenë pozitive. Një veprim për t'u duartrokitur nga 27-vjeçari i lindur në Skënderaj.
Komento
