Sergio Ramos rrezikon të dënohet nga UEFA me dy ndeshje pezullim në “Champions League”. Kjo për shkak të ndeshjes së luajtur të mërkurën kundër Ajax, ku kapiteni i “galaktikëve” mori një karton të verdhë në fundin e takimit. Dyshohet se Ramos e bëri ndërhyrjen me qëllim për të munguar ndeshjet e kthimit, pasi ka mbushur numrin e kartonave. Si rrjedhojë mbrojtësi ka përfunduar në hëtim nga komisioni i disiplinës së UEFA-s, i cili më herët gjatë këtij sezoni ka dënuar me të njëjtën arsye futbollistin e Portos Jesus Corona.
Kjo nuk është hera e parë që Ramos e bën diçka të tillë. Në 2010 me urdhër të Mourinho-s kapiteni i Realit bëri diçka të ngjashme po kundër Ajax-it në të njëjtin stadium, por për fatin e mirë ia hodhi vetëm me gjobë pasi me dy ndeshje pezullim u dënua Mourinho. Gjithsesi këtë herë nuk mendohet që Ramos të jetë me kaq fat.
Komente
Nuk ka ndeshje qe ky palobajgë te mos krijoje probleme
Përgjigju