GJKKO

Kronikë

Vepronin si grup i strukturuar kriminal/ SPAK çon për gjykim 4 personat që trafikonin emigrantë nga vendet e treta drejt BE-së kundrejt pagesës 5000-10 000 euro

SPAK ka kaluar për gjykim çështjen për katër të huaj që trafikonin emigrantë me destinacion Italinë e jugut dhe vendet e tjera të BE-së, me shpërblim monetar nga 5000 deri në 10 000 euro.

31 Korrik 2024, 20:22| Përditesimi: 31 Korrik 2024, 20:41

  • Share

Prokuroria e Posaçme ka çuar për gjykim dosjen për 4 të huajt që merreshin me trafikun e emigrantëve.

Ata akuzohen për “Ndihma për kalim të paligjshëm të kufijve”,“Grupi i strukturuar kriminal”,“Kryerja e veprave penale nga organizata kriminale dhe grupi i strukturuar kriminal”.

Në seancën e sotme, GJKKO ka pranuar kërkesën e SPAK për kalimin e çështjes për gjykim. 4 të huajt ishin pjesë e 25 personave të arrestuar që kryenin trafikimin e klandestinëve nga Shqipëria drejt Italisë dhe Greqisë.

Personat e dërguar për gjykim nga SPAK në GJKKO: 
1. Yahia Yussef (alias Kamal Kamil), i akuzuar për kryerjen e veprave penale “Ndihma për kalim të paligjshëm të kufirit”, “Grupi i strukturuar kriminal”,“Kryerja e veprave penale nga organizata kriminale dhe grupi i strukturuar kriminal”
2. Soran Saber, i akuzuar për kryerjen e veprave penale “Ndihma për kalim të paligjshëm të kufirit”,“Grupi i strukturuar kriminal”,“Kryerja e veprave penale nga organizata kriminale dhe grupi i strukturuar kriminal”
3. Yalcin Ali Hanci, i akuzuar për kryerjen e veprave penale “Ndihma për kalim të paligjshëm të kufirit”, “Grupi i strukturuar kriminal”,“Kryerja e veprave penale nga organizata kriminale dhe grupi i strukturuar kriminal”
4. Mustafa Koseoglu, i akuzuar për kryerjen e veprave penale “Ndihma për kalim të paligjshëm të kufirit”,“Grupi i strukturuar kriminal”,“Kryerja e veprave penale nga organizata kriminale dhe grupi i strukturuar kriminal”

4 personat ishin një pjesë prej 4 grupeve kriminale ushtronin në bashkëpunim ndërmjet tyre aktivitetin kriminal (2 grupe në Itali, 1 grup në Shqipëri dhe 1 grup në Turqi). Personat kontrobandoheshin nga Lindja e Mesme, me destinacion Italinë e Jugut dhe në vijim vendet e tjera të BE-së.

Pjestarët e këtyre grupeve kriminale pasi siguronin persona të ndryshëm kryesisht në Irak, Siri, Egjipt e vende të tjera kundrejt një shpërblimi monetar nga 5,000 deri në 10,000 Euro, i kalonin ato në rrugë tokësore dhe detare.

G.K/ReportTv.al
Komento

Komente

  • Sondazhi i ditës:

    Si ju duket vendimi i qeverisë për të mbyllur me një vit Tik Tok?