Kanioni I Holtës, një prej perlave të natyrës shqiptare, vjen në emisionin "Veri-Jug", përmes reportazhit të realizuar në zemër të këtij monumenti natyror.
I gjatë mbi tre kilometra dhe me një pasuri të rrallë shpellash karstike, kanioni është atje, në afërsi të qytetit të Gramshit dhe në zemër të fshatit Tërvol, edhe si një mundësi për zhvillimin e agroturizmit për banorët vendas.
"Veri-Jug" nën moderimin e gazetarit Agim Pipa, çdo të diel ora 13.30.
Blerina Sinani dhe Sajmir Xharo, specialistë në Bashkinë Gramsh, shpjegojnë disa nga pikat turistike të rrethit.
Endri Mema, specialist në Bashkinë Gramsh, risjell në kujtesë një urë të vjetër lavjerëse mes shkëmbenjve që lidhte dy fshatra, por që tashmë nuk ekziston më. Ai thotë se sëshpejti, me një projekt të ri, ura do të rivitalizohet.
Komente
