106 kilometër në jug të Tiranës, jemi në Fushë-Studën, një trevë mes Librazhdit dhe Dibrës. Një vend i bukur, rrethuar me pyje dhe me kullota bagëtish.
Fushë-Studën, sipas banorëve vendas, do të thotë fushë e ftohtë, nga sllavishtja e largët e shekujve 7 dhe 8 në kohën e Perandorisë së Bizantit.
Popullsia në 7 fshatrat e njësisë administrative të Steblevës është 1400 banorë. Në stinën e verës, Stebleva dhe Fushë-Studëni frekuentohen edhe nga turistë vendas dhe të huaj dhe popullsia shkon deri në 3000 banorë. Ata që banojnë këtë trevë të begatë janë mbi 110 familje bujqësore. Sipërfaqja e tokës arë, 315 hektarë, mbjellë me patate, misër dhe fasule. Stebleva, si njësi administrative, është edhe pjesë e parkut kombëtar të Shebenikut, mbrojtur nga UNESCO.
Shqetësimi i fermerëve është "kurthi" i tregtarëve nga zona të tjera të Shqipërisë që pataten e tyre e shesin në tregun e zi me emrin dhe namin e patates së Steblevës.
Shkojmë në fshatin Borovë të Steblevës. Aty ku, veç peizazhit natyror, një peizazh me vlera turistike ka krijuar edhe njeriu idealist Shkëlqim Golli, banor vendas, me troftën e Borovës.
Mijëra turistë vendas dhe të huaj e frekuentojnë këtë perlë turistike me prirje agroturizmi në zonë. Me troftën që dikur vinte nga shkëmbinjtë malorë dhe tani shtohet në basene të ngritura në kushte teknologjike shumë të mira.
Komente
