Vreshtarët e Baldushkut janë drejt përfundimit të spërkatjes së hardhive të rrushit në mbi 60 hektarë të mbjella në 12 fshatra. Në krye të punëve - agronomët dhe specialistët e bujqësisë.
Kamera e emisioneve Veri Jug është ngjitur në vreshtat e fshatit Mumajes I sipërm dhe ka ndjekur operacionin e spërkatjes me gurë kali dhe gëlqere, si mënyra më e mirë për shpëtimin e hardhive nga sëmundja e vrugut.
Ndiqni reportazhin “Spërkatja e vreshtave në Baldushk” nën moderimin e gazetarit Agim Pipa. Të djelën, premierë, ora 13.30
Fjala e agronomëve në Baldushk: “Është koha tani për të marë masa për shmangien e vrugut në vreshtat me rrush, nëpërmjet spërkatjes me gur kali dhe gëlqere, një metodë kjo tradicionale dhe më e mira.”
Viti 2024 - me pritshmëri të lartë në prodhimin e rrushit.
