TIRANË- ‘E gjeta gruan të vetëvarur. Kisha frikë ta denoncoja rastin jo vetëm në polici, por edhe tek familja e saj’ , kështu u shfajësua në polici Shefqet Lika, përballë akuzës për nxitje të vetëvrasjes të nënës së 3 fëmijëve, edhe e diagnostikuar me kancer.
Por hetuesit, pasi morën në pyetje familjarë të viktimës, zbuluan që Shahe Lika prej vitesh ishte në konflikte jo vetëm me bashkëshortin, Shefqetin, por edhe me motrat e tij
Tre javë më parë për shkak se të dhunës fizike u largua nga shtëpia dhe u vendos tek e motra që jetonte gjithashtu në Kamëz, jo shumë larg çiftit. Një ditë para se të vetëflijohet u kthye në shtëpinë e saj, ku besohet që pati sherr të fortë me burrin. Mesditën e së dielës u gjet e varur. Shefqeti nuk njoftoi as policinë dhe as familjarët.
Por sikurse policia dyshon, ai prishi vendin e ngjarjes, përgatiti kufomën për varrim si të ishte një vdekje natyrale dhe më pas bëri telefonatën e parë tek familjarët e gruas së vdekur. .
Në dyshim për atë çfarë kishte ndodhur, sepse në vazhdimësi familja e Shahes ishte në dijeni për dhunën fizike dhe psikologjike, vendosën të hapnin arkivolin. Siç edhe denoncuan, kur rreth qafës së 55 vjeçares dalluan shenja, thirrën policinë. Trupi i pajetë i viktimës u mor për ekspertizë, kurse Shefqet Lika dhe motrat e tij u ndaluan në komisariat. Ato u lanë të lira disa orë më vonë.
‘Ne kemi pasur probleme edhe në të kaluarën dhe mendova se do të më akuzojnë për vrasje. Familjarët e Shahes me kanë akuzuar disa herë, madje më kanë kërcënuar se edhe do të më dononcojnë’, vazhdon Lika në dëshminë e tij
Aktualisht policia dyshon që gruaja e sëmurë shkoi drejt vetëflijimit për shkak të dhunës së vazhdueshme nga bashkëshorti që njihej si alkoolist. Familjarët e saj nuk lejuan që ceremonia mortore të bëhej nga familja e bashkëshortit, ndaj e morën trupin me vete për ta përcjellë nga shtëpia e vajzërisë, ku morën pjesë edhe fëmijët e çiftit e emigrantë.
Zbardhet dëshmia e 56-vjeçarit Shefqet Lika, i arrestuar në Kamëz, pas fshehjes së vetëvrasjes së bashkëshortes së tij Shahe Lika në banesën e tyre. Para hetuesve Lika ka deklaruar se ka pasur frikë të raportoj për vetëvrasjen e bashkëshortes, pasi sipas tij nuk do ta besonin familjarët e saj.
Lika tha se prej kohësh ata e kanë akuzuar për dhunën që ushtronte nga gruas dhe se familjarët e saj herë pas here e kishin paralajmëruar se do ta denonconin. Burime nga policia bëjnë me dije se çifti ka pasur konflikte të shumta prej shumë vitesh, ndërsa bashkëshorti ka ushtruar dhunë sistematike ndaj saj. Në javët e fundit mësohet se ajo ishte larguar nga banesa dhe kishte jetuar tek e motra. Në banesën e burrit ishte kthyer një ditë para se të merrte vendimin për t'u vetëflijuar.
Për shkak të dhunës dhe konflikteve dyshohet se gruaja shkoi drejt vetëvarjes. Shefqet Lika ka qenë i alkoolizuar prej vitesh. Fëmijët e tyre jetojnë jashtë vendit, ndërsa raportohet se pas mbërritjes të hënën kanë pasur debat me familjarët e babait. Trupi i pajetë i gruas 55-vjeçare është përcjell për në banesën e fundit vetëm nga familjarët e saj, ndërsa nga banesa e të atit janë larguar edhe fëmijët.
Komente
Shqiperia eshte bere si kembet e dhise.Dikur thirrej mjeku kur nje person ndronte jete qe te percaktonte shkakun e vdekjes,po dhe ketej nga jetojme,nuk e merr certifikaten e vdekjes per dike pa kaluar ne zinxhirin burokratik,mjeku,shtepia e funeralit,zyrat e gjendjes civile/bashkiake.Kurse ne rastin e mesiperm, u desh qe te afermit te hapnin arkivolin dhe te benin rolin e mjekut?! Kush e percaktoi nese shenjat jane bere nga vetevrasje,apo vrasje? Duke njohur sjelljen e burrit,kush e ka vertetuar se ka thene te verteten? Ai qe eshte ne gjendje te prishe,ose te fshehe nje skene krimi,ai qe eshte ne gjendje te keqtrajtoje dike verbalisht e fizikisht,mund te beje me shume.
PërgjigjuJazek femijve te Se Ndjeres, qe e lane Nenen e tyre ne kthetrat e damllase-burre. Dhimbje per jeten e saj te traumatizuar. Qyshkur u hoq denimi me vdekje burracaket u shndruan ne vrases te grave te tyre.
PërgjigjuNje tjeter plehre qe vegjeton mbi toke. Deshtimet e veta ne jete ia shfryn gruas bastardi edhe pse gati po prek moshen e trete. Shko vdis ne burg me mire pijanec. Ngushellime familjes se te ndjeres, duhet te kishit bere me shume per te sa ishte gjalle, ta kishit larguar nga ai burre.
Përgjigju